KATRESNAN

genep sak candra 
sliramu ninggal aku...
abot...
ngampet sak kabehe rasa
kang temumpuk ing ati iki

kelingan
nalikane bareng
mecaki dawane lurung panguripan

kelingan
marang ruruh pasuryanmu
marang regeng guyumu
marang tandhes tumetese luh mu
marang tulus katresnanmu

wektu
kang misahake
antarane aku lan sliramu
nadyan dhewe
dawane lurung iku
bakal tak pecak
merga aku percaya
iku dalanku bisa nyawiji marang sliramu

lerema
mesema
ing katresnane Gusti
sak ngisore semboja biru kuwi...


(Pesisir Kidul 4-5-2012)